2025 жыл — Орталық Азиядағы мыңдаған әйел үшін цифрлық серпіліс пен экономикалық трансформация жылы болды. TechnoWomen Central Asia бастамасы аясында іске асқан Aqyl Tech пен IT Aiel жобаларының арқасында 10 000-нан астам қатысушы цифрлық дағдыларды меңгеріп, қаржылық сауаттылығын арттырып, технология мен жасанды интеллект саласында жаңа мансап бастаған.
Бұл жай ғана оқыту курстары емес — бұл өз-өзіңе оралу, жаңа бастама мен тұрақты болашақтың жолы.
Цифрлық миссия: әр әйелге мүмкіндік пен білім
2022 жылы АХҚО базасында құрылған TechnoWomen ұйымы технология салаларындағы 1 000-нан астам әйелді біріктіріп, цифрлық теңдіктің экожүйесін белсенді дамытуда. Олардың жобалары дәстүрлі ІТ саласынан тыс қалған әйелдерге бағытталған: декреттік демалыстағы аналар, 35 жастан асқан әйелдер, өңір тұрғындары, жұмыссыздар мен өзін-өзі жұмыспен қамтығандар.
Aqyl Tech пен IT Aiel жобалары цифрлық теңсіздікті азайтуға және технология мен ЖИ кең тараған экономикада тұрақты мансап жолдарын құруға бағытталған.
2025 жылдың басты нәтижелері
Оқыту және сертификаттар:
- Aqyl Tech: 6 264 қатысушы
- IT Aiel: 4 079 қатысушы
- Жалпы: 10 343 адам сертификатталған оқудан өтті
Жас ерекшелігі бойынша:
- Aqyl Tech: 93% — 35 жасқа дейінгі жастар
- IT Aiel: 71% — 36–45 жастағы әйелдер, 29% — 45 жастан жоғары
Әлеуметтік жағдайы:
- Екі жобада да әр үшінші қатысушы тұрақты табыс көзінен айырылған
- Aqyl Tech жобасынан кейін 1 600-ден астам адам жұмысқа орналасты
- IT Aiel аясында 1 300-ден астам әйел ІТ саласында мансап бастап, олардың көбісі декреттен немесе ұзақ үзілістен кейін еңбек нарығына қайта оралды
Технология — мүмкіндік көзі
IT Aiel бағдарламасы ұзақ үзілістен кейін еңбек нарығына қайта оралған әйелдерге арналған. Ал Aqyl Tech — өңірлердегі жастар мен колледж, ЖОО студенттері үшін мықты бастама болды.
Жобалар қамтыды:
- Қазақ және орыс тілдеріндегі 50-ден астам бейнесабақ
- 24/7 қолдау көрсететін LMS платформасы
- 38 іс-шара: форумдар, онлайн және оффлайн воркшоптар
- 20-дан астам банк пен ҮЕҰ-мен серіктестік
- 500 000 адамды қамтыған кең ауқымды медиакампания
Шабыт беретін оқиғалар
Юлия, 38 жаста, Алматы:
“13 жыл жұмыс істемедім, үш баламды өсірдім. IT Aiel маған абьюзерден кетіп, жұмысқа тұруға күш берді. Қазір фармкомпанияда цифрлық процестерді енгізумен айналысамын. Бұрын-соңды таппаған табысқа жеттім.”
Сымбат, 36 жаста, Астана:
“Екінші декреттен кейін жобаға қатыстым. Қазір — EPAM Systems компаниясында тестировщимін. Бұл курс өзіме деген сенімділікті арттырып, ІТ саласына жол ашты.”
Камиля Гюнеш, Jarkyra Hub негізін қалаушы:
Әлеуметтік осал топтағы 1 000-нан астам әйелге арналған қайта оқыту hub-ын ашты. Ең үлкен оқушысы — 75 жаста.
Томирис Канатова, логопед:
Жасанды интеллектті оқыту материалдарын әзірлеуге қолданып, әлемнің түкпір-түкпіріндегі балалармен, соның ішінде онлайн форматта да жұмыс істейді.
Қазақстаннан тыс ауқымға шығу
2025 жылы жобалар халықаралық деңгейге шықты: Түркия, Қырғызстан, Өзбекстан елдерінен әйелдер қатысты. Бағдарламаға алғаш рет 78 қандас қосылды.
Оқытуға деген сұраныс әсіресе өңірлерде жоғары: Қарағанды, Атырау, Алматы облыстары мен Шымкент — әйелдердің цифрлық трансформациясының қозғаушы күшіне айналуда.
Алда не күтіп тұр?
TechnoWomen бастамаларды әрі қарай да кеңейтуді жоспарлап отыр:
- Жасанды интеллект, e-commerce және деректер ғылымы бойынша жаңа модульдер
- Career boost және returnship бағдарламалары
- Менторлық пен бизнес акселерация тректері
- Қатысушыларға арналған құқықтық және психологиялық қолдау
