2025 жылғы 15 қазан күні Астана қаласында балаларға арналған алғашқы қазақ тілді STEPPE GAMES мобильді ойынының ресми таныстырылымы өтті. Іс-шараға мемлекет және қоғам қайраткерлері, тіл жанашырлары, инфлюенсерлер мен IT-мамандар, ата-аналар және балалар қатысты.
STEPPE GAMES – Қазақстан Республикасы Ғылым және жоғары білім министрлігі Тіл саясаты комитетінің тапсырысы бойынша әзірленген жоба.
Ойынның мақсаты – балалар мен жасөспірімдерге қазақ тілін заманауи және қызықты форматта үйрету.
Жоба интерактивті әдістемеге негізделіп, балалардың қазақ тілінде еркін сөйлеу қабілетін арттыруға бағытталған.
Іс-шара барысында министр Саясат Нұрбек және жоба авторлары қазақ тіліндегі сапалы цифрлық контентті дамыту маңызын атап өтіп, қосымша құрылымын таныстырды. Қатысушылар ойынды тәжірибе жүзінде сынап көрді.
Қосымша App Store және Play Market платформаларында қолжетімді.
